2 aprel tarixində TƏBİB-in dəstəyi və "Insun" Yaşam Mərkəzinin təşkilatçılığı ilə Şamaxı Müalicə Diaqnostika Mərkəzində "Psixoloji sağlamlığın önəmi" mövzusunda seminar keçirilib.
Seminarın əsas məqsədi psixoloji sağlamlığın əhəmiyyəti haqqında maarifləndirməklə müasir terapiya metodları ilə tanışlıq yaratmaq idi.
Seminar "Insun" Yaşam Mərkəzinin mütəxəssisi həkim, Klinik Psixoloq Xədicə Həbibullayeva tərəfindən aparılıb. O, travma zamanı beyində baş verən funksional dəyişiklikləri və bunun insanın gündəlik həyatına, emosional vəziyyətinə təsirini izah edib. EMDR terapiyanın düşüncə, hisslər və bədən reaksiyalarına müsbət təsiri barədə məlumat verib. Sonda isə iştirakçılarla praktiki çalışma keçirib.
"Insun" Yaşam Mərkəzi və TƏBİB gələcəkdə də bu kimi maarifləndirici tədbirləri davam etdirməyi planlaşdırır.
