Müğənni Samir Piriyevin şoumen Kamran Həsənli ilə məhkəmə işi davam edir.
Ifaçının vəkili Ceyhun Yusifov açıqlamasında məsələnin hələ də uzandığını, həllini tapmadığını bildirib. O, hətta lazımi qurumların da bu işə biganə yanaşdığını vurğulayıb:“Cinayət işi ilə bağlı cənab nazir Ramil Usubova verdiyimiz şikayətdən sonra iş baxılması üçün Bakı Şəhər Baş Polis İdarəsinin İstintaq İdarəsinə təqdim edildi. Vəkil verdiyi vəsatətə əsasən biz əslində işin Daxili İşlər Nazirliyində baxılmasını istəmişdik. Lakin bəllisəbəblərdən yenə də Kamran Həsənlinin himayədarları işə əl qoydu. Bakı Şəhər Prokurorluğunda çalışan bəzi şəxslər və məşhur restoranlardan birinin (adını çəkmək istəmirik) sahibinin xahişi və təzyiqi əsasında işi Baş Polis İdarəsində saxlayıblar. Onlar cinayət işinin üstündə öz təsir güclərini yenə də saxlaya biliblər.Hazırda işin əsas səbəbkarı Gülər Həsənlidə istintaqa cəlb olunub, lakin dindirilə bilmir. Sanki hüquq Kamran Həsənlinin Bakı Şəhər Prokurorluğunda olan dostlarına güc gələ bilmir. Kamran Həsənliyə verdikləri məsləhətlər də elə bundan ibarətdir ki, bu barədə danışma. Cinayət işinin süni şəkildə surətini salıb, ictimaiyətin diqqətindən kənarlaşdıraraq, istəyirlər ki, məsələni hər kəsə unutdurub, bildikləri kimi etsinlər. Amma bu plan baş tutmayacaq. Çünki ehtiyac olduğu halda Samir Piriyev ölkə rəhbərliyinə müraciət edəcək”.Qeyd edək ki, Samir Piriyev hüquq-mühafizə orqanlarına müraciət edərək Kamran Həsənlinin ona qarşı 80 min dollar məbləğində dələduzluq etdiyini, onun bacısı Gülər Həsənlinin istintaqdan yayındığını bildirib. Hazırda faktla bağlı Nərimanov Rayon Prokurorluğunda Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi üzrə cinayət işi başlanıb. (Axşam.az)
