"Dağlıq Qarabağ münaqişəsinin hərbi yolla həlli mövcud deyil".
ANS PRESS-in məlumatına görə, bunu Ermənistan prezidenti Serj Sarkisyan İsveçrə prezidenti, ATƏT-in fəaliyyətdə olan sədri Diiye Burkxalter ilə görüşdə deyib.
S.Sarkisyanın sözlərinə görə, münaqişənin həllində güc tətbiqindən istifadə danışıqlar prosesinə mənfi təsir edəcək.
Qeyd edək ki, Serj Sarkisyan Astana görüşündən qayıdandan sonra Dağlıq Qarabağ münaqişəsi Ermənistan hökuməti və mətbuatının gündəmindədir. Astanada baş tutan toplantıda yeni Avrasiya İqtisadi İttifaqının yaradılması ilə bağlı sənədi 3 ölkə - Rusiya, Belarus və Qazaxıstan imzalamışdı. Prezident ilham Əliyev toplantıya məktub göndərmişdi. Məktubu oxuyan Qazaxıstan prezidenti Nursultan Nazarbayev toplantıda demişdi: "Biz Azərbaycan prezidentinin məktubunu almışıq. Bütün prezidentlər alıb. Ermənistan Ümumdünya Ticarət Təşkilatına BMT tərəfindən tanınmış beynəlxalq sərhədləri çərçivəsində üzv qəbul olunub və indi də qaydalar Ermənistan ərazisinə bu prinsiplə şamil edilməlidir”.
Bu zaman Serj Sarkisyan heç bir etiraz etməmiş və çətin vəziyyətə düşmüşdü.
