Bu gün Azərbaycanda prezident seçkiləri keçiriləcək. Azərbaycan tarixində 7-ci dəfə baş tutacaq prezident seçkilərində 5 milyon 141 min seçicinin səs vermək hüququ var.
Səsvermə 125 Dairə Seçki Komissiyası üzrə 5 491 məntəqədə olacaq.
Seçki bülletinində isə namizədlərin ardıcıllığı belədir
1. Ağazadə İqbal
2. Əliyev İlham
3. Əlizadə Araz
4. Hacıyev Hafiz
5. Həsənquliyev Qüdrət
6. Həsənli Cəmil
7.Ismayılov Ilyas
8. Quliyev Fərəc
9. Məmmədov Sərdar
10. Oruc Zahid
Səsverməyə saat 8-dən start veriləcək, axşam 7-də isə başa çatacaq.
Səsvermənin gedişatı və seçicilərin iştirakı barədə ilkin məlumatlar seçki günü 5 dəfə verilir (Saat 10, 12, 15, 17 və 19.00).
Nəticələr barədə məlumatın İnternetdə yerləşdirilməsinə də 9 oktyabrda başlanılır və sonrakı günlər davam etdirilir.
İlk 24 saat ərzində nəticələr Dairə Seçki Komissiyalarından MSK-ya göndərilir.
Konstitusiya Məhkəməsi oktyabrın 19-dan gec olmayaraq, nəticəni təsdiq etməlidir.
Yeni prezidentin inauqurasiyası, seçki nəticələri elan edildikdən üç gün sonra keçirilməlidir.
