Biz artıq bir çox ölkələrdə "Omikron” ştammının yayıldığını görürük. Qonşu ölkələr də daxil olmaqla 100 dən çox ölkədə aşkarlanan "Omikron” Azərbaycana da gələcək.
Bu sözləri Səhiyyə Nazirliyinin ekspert-mütəxəssisi Təyyar Eyvazov deyib.
O bildirib ki, bu gün edə biləcəyimiz tək şey pandemiya ilə mübarizə çərçivəsində qaydalara ciddi riayət etməkdir:
"Qapalı məkanlarda otaqların havasının tez-tez dəyişdirilməsi, gigiyena qaydalarına əməl olunması, tibbi maskadan istifadə və mütləq qaydada buster dozadan istifadə. Vaksinasiya prosesinə üstünlük verməklə, orqanizmdə immunitet yaratmaq və virusa qarşı qorunmaq lazımdır”.
"Tibb tarixində bu cür infeksiyaların idarəsi vaksinlərdən asılıdır. Odur ki, fövqəladə hal kimi vaksinlərin bir qədər tez tətbiqinə icazə verildi. Antiviral preparatlar bu viruslarla mübarizədə lazım olan effekti vermir. Əsas yol vaksinasiya prosesidir ki, onu da tətbiq edirik”, - deyə, həkim-infeksionist qeyd edib.
