Səma Abiyeva, televiziya aparıcısı, bloger, rəy öndəri və podcaster kimi tanınan, sosial medianın ən aktiv və təsirli simalarından biridir.
Televiziya ekranlarında maraqlı və faydalı çıxışları ilə yadda qalan Səma,TikTok kimi nəhəng platformada da geniş izləyici kütləsi ilə ünsiyyət quraraq, əsasən xanım izləyicilərinə lazımlı olacaq – dəb, baxım, sağlamlıq və s. kimi müxtəlif mövzuları işıqlandırır. Rəyləri və tövsiyələri ilə izləyicilərinə yeni bir perspektiv qazandıran Səma Abiyeva ilə bu müsahibəmizdə onun TikTok dünyasında necə uğur qazanmasından, platformanın auditoriyası ilə əlaqələrini necə qurduğundan və sosial medianın səmərəli istifadəsi üçün verdiyi məsləhətlərdən danışdıq.
TikTok platformasında fəal olmaq qərarına necə gəldiniz və bu platforma sizin üçün nə deməkdir?
-TikTok-un qısa video formatı mənim yaradıcılığımı daha sürətli və interaktiv şəkildə paylaşmağım üçün ideal bir platforma oldu. Həmçinin bu platformanın müxtəlif yaş kateqoriyalarındakı auditoriyalara çıxışı olduğu üçün məni yeni izləyicilərlə tanış etdi.
TikTok-da hansı mövzulara daha çox diqqət yetirirsinizvə məzmununuzu hazırlayarkən nəyə üstünlük verirsiniz?
-Əsasən öz sahəmlə əlaqəli – gözəllik, moda, sağlam həyat tərzi kimi mövzularda kontent yaradıram. Məzmun hazırlayarkən izləyicilərin praktiki olaraq istifadə edə biləcəyi faydalı məlumatlar paylaşmağa çalışıram.
TikTok izləyicilərinizin sizin məzmununuza olan reaksiyaları necədir? Onlarla necə qarşılıqlı əlaqədə olursunuz?
-Gələn reaksiyalara diqqət edirəm. Bu mənə məzunumu daha fərqli və ya ağlıma gəlməyən tərəfdən böyütməyə ideya verir. Daha gənc nəslin trendlərini, istəklərini analiz etməyimə imkan yaradır.
TikTok-da sizi digər yaradıcılardan fərqləndirən, unikal edən cəhətlər hansılardır?
-Daha çox öyrədici, maarifləndirici və life-hack tərkibli videolar paylaşıram.
TikTok-un digər rəqəmsal platformalardan fərqli olan hansı xüsusiyyətlərini bəyənirsiniz?
-TikTok-un əsas cəhəti hər kəsə bərabər imkan verməsidir. Hər hansı bir videonun virallaşması üçün çox izləyiciyə ehtiyac olmadan, sadəcə maraqlı və dəyərli kontent yetərlidir.
TikTok-da məzmun yaratmaq prosesiniz necədir? İdeyaları haradan əldə edirsiniz və nə dərəcədə öncədən planlaşdırırsınız?
-Əksər hallarda məzmunlarımı öncədən planlaşdırıram, amma bəzən spontan videolar da çəkmək yaxşı nəticə verir. TikTok mənə daha rahat, əyləncəli, anlıq məzmun yaratmağa həvəs verir. Bir çox hallarda başqa platformalarda yayımladığım videolarımı TikTok formatına salaraq yayımlayıram.
TikTok-da ən uğurlu videolarınız hansılardır və bu uğuru nəyə borclusunuz?
-Ən uğurlu videolarım, izləyicilərimə faydalı ola biləcək praktiki məsləhətlər verdiyim və onların gündəlik həyatına tətbiq edə biləcəyi tövsiyələr paylaşdığım videolardır.
TikTok-da fəaliyyət göstərən yeni yaradıcılara hansı məsləhətləri verərdiniz? Platformada necə uğurlu ola bilərlər?
-Orijinal olun və səmimi məzmun yaradın. İzləyicilər dürüstlüyü hiss edir və səmimi yaradıcılara daha çox bağlanırlar. Həmçinin, aktuallığı və trendləri izləmək də vacibdir.
TikTok-da sizi izləyənlərin həyatına necə təsir etdiyinizi düşünürsünüz? Onlara hansı dəyəri qatmaq istəyirsiniz?
-Onlara özlərini yaxşı hiss etmələri, həyat tərzlərini yaxşılaşdırmaları və gündəlik həyatlarında kiçik, amma müsbət dəyişikliklər etmələri üçün ilham vermək istəyirəm.
Gələcəkdə TikTok hesabınız üçün hansı planlarınız var? Yeni layihələr və ya məzmun növləri barədə nə düşünürsünüz?
-Gələcəkdə daha çox gənclərin marağını çəkəcək, öyrədici, ChatGPT tətbiqli, daha keyfiyyətli və praktik üsullarla yaşamağın yollarından danışmaq istəyirəm.
