''Səməd Səmədov ruhi xəstədir, o, xalq artisti oldu, ancaq müğənni ola bilmədi, olmayacaq da...''

AZXEBER.COM-un məlumatına görə, müğənni məşhurluğunun sirrini heyvanlara sevgisi ilə əlaqələndirib: “Bəlkə də çoxu bilmir, amma mənim tanınmağım heyvanlara sevgimlə bağlıdır. Mən harada heyvan görürəmsə, qayğı göstərməyə çalışıram və özüm də evimdə it saxlayıram”.Müğənninin bu açıqlamasına tənqidçi-müğənni Əli Mirəliyev aznews.az vasitəsilə cavab verib. O, S.Səmədov haqqında tənqidi fikirlər səsləndirərək, onu ifaçılıq sənətindən bixəbər şəxs kimi təqdim edib: “O, ruhi xəstədir. Musiqidə sözünü deməyən adamdır. Əlbəttə ki, başqa işlərlə məşğul olmağa başlayacaq. Musiqi hara, Səməd hara? Səməd nə vaxtdan oxuyan olub? Lap Elza olsun... onlar performans edirlər. İtlərə, pişiklərə toxunmaqla, gündəmdə qalmaq istəyirlər. Öz anasına, atasına və musiqisinə qiymət vermirsə, itdən, pişikdən danışacaq da... biz də heyvan saxlayırıq. Nə olsun? Heyvanın musiqiyə nə aidiyyəti var? Heyvan başqa söhbətdir, musiqi başqa söhbətdir”.Əli Mirəliyev Lent.az-a müsahibəsində də Səməd Səmədovun bir müddət əvvəl "Xalq artisti" fəxri ad almasına münasibət bildirib: “Mən hansı şou-biznes nümayəndəsinin haqqında söz deyirəmsə, xalq artisti adını alır. Misal üçün Səməd Səmədov xalq artisti oldu, ancaq müğənni ola bilmədi, olmayacaq da.. Məncə bu gedişlə şou-biznes düzələn deyil”.