"Atam həmişə mənə Rusiya komandasında öz şansımı gözləməyi tövsiyə edib"
Moskva “Dinamo”sunun azərbaycanlı yarımmüdafiəçisi Aleksandr Səmədov bir daha yığma mövzusuna dönüb.
Bir müddət əvvəl Azərbaycan millisinə dəvəti gündəmdə, amma artıq Rusiya yığmasında debüt edən 27 yaşlı futbolçu Rusiyanın “Futbol” həftəliyinə müsahibəsində sözünü qəti deyib.
- Rusiya yığmasına dəvəti hansı hisslərlə qarşıladınız? Çoxdan layiq olduğunu şeyə çatdığınız hissi var idimi?
- Düzünü deyim: çox sakit yanaşdım. Bəli, xoş idi, bir rahatlıq gəldi, amma sevincimdən atılıb-düşmədim. Çünki oynayacağıma əmin deyildim. Komandanın heyəti oturub, Dik Advokat tanıdığı insanlara güvənir. Buna görə də əsas məqsədim yığmaya gəlib məşqçiyə mənə ümid edə biləcəyini isbatlamaq idi.
- Vəssəlam? Amma bəs fikirlər gəzir ki, Advokat sizi ona görə məhz indi yığmaya çağırıb ki, gələcəkdə Azərbaycan millisində çıxışdan məhrum etsin.
- Olsun. Xətrimə dəymir. İstənilən halda, Azərbaycan yığmasında oynamayacaq idim. Çünki Rusiyada çıxış edirəm.
- Onlar tərəfdən maraq bu gün yaranmayıb, deyilmi?
- Bəli, artıq neçə ildir Azərbaycandan mənə müraciət edirlər. Gəliblər, görüşmüşük. Amma həmişə deyirdim ki, Azərbaycan yığmasında oynamağın mənası yoxdur. Bunu onlar da bilirlər.
- Sizin ananız rus, atanız isə azərbaycanlıdı. Özünüz də bir neçə dəfə demisiniz ki, atanız üzərində ikibaşlı qartal olan formanı geysəniz, etiraz etməyəcək. Bəs o sizə “Dinamo”da uğurlu çıxış etdiyiniz, amma Rusiya millisinə çağırılmadığınız vaxtlarda Azərbaycanın təklifini qəbul etmək məsləhətini vermirdi?
- Əksinə, atam həmişə mənə məhz Rusiya komandasında öz şansımı gözləməyi tövsiyə edib. Bilirsiniz, atam 21 yaşında – hərbi xidmətdən sonra Moskvaya gəlib. İndi onun altımış yaşı var. Yəni həyatının üçdə iki hissəsi burada keçib. Evdə rusca danışırıq, Azərbaycan dilində heç bilmirəm. Ümumiyyətlə, atam mənə həmişə dəstək olur və heç vaxt təzyiq göstərmir. /// rekord.az
