İran silahlı qüvvələri ABŞ və müttəfiqlərinin təzyiqindən asılı olmayaraq, növbəti xəbərdarlığa qədər regiondan bir litr belə neftin ixracına icazə verməyəcək.
Bunu İran İslam İnqilabı Keşikçiləri Korpusunun (SEPAH) sözçüsü Əli Məhəmməd Naini bildirib.
O vurğulayıb ki, İran artıq müharibənin gedişatına və nəticəsinə nəzarət edir: "Regionun nəticəsini amerikalılar yox, İran qüvvələri müəyyən edir".
Naininin sözlərinə görə, ABŞ Prezidenti Donald Trampın İran silahlı qüvvələri hakimiyyətinin sonu ilə bağlı iddiaları yalandır:
"Hərbi və kommersiya gəmiləri də daxil olmaqla, bütün Amerika gəmiləri İran raketlərindən və dronlarından qorunmaq üçün 1000 kilometrdən çox məsafə saxlamağa məcburdurlar.
Amerika qoşunları bazalarını tərk edərək regiondakı şəhərlərdə hərəkət edir, İsrail ordusu isə mülki obyektlərdən gizlənmək üçün istifadə edir".
Naini qeyd edib ki, İranın raket hücumlarının azalması ilə bağlı iddialar yalandır - İranın raketləri daha güclü hala gəlib və onların döyüş başlıqları artıq bir tonu keçib.
Bundan əlavə, düşmənin sursatı tükənmək üzrədir və ABŞ-nin Fars körfəzindəki əsas hərbi obyektləri zədələnib.
"Sepah" sözçüsü ABŞ-nin neft qiymətlərini məhdudlaşdırmaq cəhdlərini müvəqqəti və səmərəsiz adlandırıb.
\Yeni sabah
