Serj Sarkisyan öz çıxışlarında Göbbels fəlsəfəsindən istifadə edir.
AZXEBER.COM xəbər verir ki, bunu Tvitterdə mikrobloqunda Azərbaycan Prezidenti Administrasiyasının Siyasi təhlil və informasiya təminatı şöbəsinin müdiri Elnur Aslanov yazıb.
O qeyd edib ki, Göbbels fəlsəfəsinə uyğun olaraq “yalan nə qədər dəhşətli olarsa, bir o qədər ona inanırlar”.
Erməni gəncləri barədə yazan E.Aslanov qeyd edib:
“Məhz Serj Sarkisyan Ermənistanın gənc nəslinin gələcəyini oğurlayır. Bunun əvəzinə faşist ritorikası verərək, düşmən obrazı yaradır”.
Daha sonra E.Aslanov qeyd edib ki, İrəvanın siyasi rejimi və Sarkisyanın hakimiyyəti dövlətin iflasına gətirib çıxarıb.
“Bugünkü Ermənistanın müstəqilliyi yalnız sözdədir. Məhz Sarkisyanın siyasəti nəticəsində korrupsiya, kasıbçılıq və sosial ədalətsizlik rəsmi İrəvanın vizit kartına çevrilib.
Məhz Sarkisyanın günahı və siyasi şıltaqlığı nəticəsində dünyaya bağlı olan Ermənistan deqradasiyaya uğrayıb və uçuruma doğru gedir. Sarkisyan isə bütün məsuliyyəti öz üzərindən atmağa çalışır”.
