Səudiyyə Ərəbistanı Liqasının texniki direktoru Maykl Emenalo PSJ-nin hücumçusu Kilian Mbappenin çempionata keçmə ehtimalından danışıb.
AZXEBER.COM "baku.ws”ə istinadən xəbər verir ki, "Marca" nəşri məlumat yayıb.
Mbappe ilə bağlı söhbət açıqdır, lakin onun nə etmək istədiyini bilmirik. Bizim mövqeyimiz çox aydındır. Bu səviyyədə olan bütün oyunçular bizim harada olduğumuzu bilirlər. Əgər onun indi və ya gələcəkdə qurduğumuzun bir hissəsi olmaq imkanı və ya marağı varsa, bu fürsətdən imtina edə bilmərik", - Emenalo deyib.
Xatırladaq ki, Mbappe 2018-ci ildən PSJ-də çıxış edir. Futbolçunun klubla müqaviləsi 2024-cü ilə qədərdir.
Mbappe bu mövsüm bütün turnirlərdə 20 oyun keçirib. O, 18 qol və 2 məhsuldar ötürmə ilə yadda qalıb.
Hazırda onun transfer dəyəri 180 milyon avro qiymətləndirilir.
