Bu gün iyun ayının 1-dir. Uşaqların Beynəlxalq Müdafiəsi günü ərəfəsində Bütün Qafqazın Şeyxi Hacı Alahşükür Paşazadə Uşaq Onkoloji Klinikasına da elə ona görə getmişdi ki, burada müalicə olunan balalara dua etsin. Şeyxin Qafqaz Müsəlmanları İdarəsinin xüsusi fondu hesabına alıb gətirdiyi hədiyyələr - xüsusi tibbi avadanlıqlar, xəstələrə həyatı zəruri olan vasitələr böyükləri, gəlinciklər, oyuncaq maşınlar, “ANS Press” Nəşriyyat Evinin bağışladığı Bala dili dərgiləri isə uşaqları sevindirdi.Bütün Qafqazın Şeyxi Hacı Alahşükür Paşazadənin sözlərinə görə, uşaqlar bizim gələcəyimiz, həyatımız və davamçılarımızdır: “İmkanı olan bəzi müəssisələr az da olsa, utanmadan, çəkinmədən köməklik göstərsinlər. Bizlər cəmiyyətdəki xəstəlikləri birlikdə aradan qaldıra bilərik”. Milli Onkologiya Mərkəzinin direktoru Cəmil Əliyev isə, xəstəxananın işçiləri və uşaqlar adından Bütün Qafqazın Şeyxi Hacı Alahşükür Paşazadəyə təşəkkür edib: “Bütün Qafqazın Şeyxi Hacı Alahşükür Paşazadənin Milli Onkologiya Mərkəzinə hədiyyə etdiyi tibbi avadanlığa böyük ehtiyacı var idi. Buna görə mən Şeyxə çöx sağol deyirəm”.
