Bu barədə AZXEBER.COM-a İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudov məlumat verib. O bildirib ki, bu barədə Qafqaz Müsəlmanları İdarəsinin sektor müdiri işləmiş və hazırda Milli Təhlükəsizlik Nazirliyinin istintaq təcridxanasında saxlanılan Elşən Mustafayev onunla görüşərkən söyləyib.
E.Behbudovun verdiyi məlumata görə, Milli Təhlükəsizlik Nazirliyinin istintaq təcridxanasında saxlanılan Qafqaz Müsəlmanları İdarəsinin sektor müdiri işləmiş Elşən Mustafayevlə görüş bu gün olub: “Elşən Mustafayev mənə bildirdi ki, saxlanma şəraitindən, ona qarşı münasibətdən, istintaqın gedişatında müstəntiqlərin ona davranmasından heç bir şikayəti yoxdur. Lakin Elşən Mustafayev ona qarşı irəli sürülmüş ittihamı qəbul etmir və bu işdə özünü təqsirli bilmir”.
Xatırladaq ki, E.Mustafayev 2014-cü il il dekabrın 16-da Milli Təhlükəsizlik Nazirliyinin əməkdaşları tərəfindən həbs olunub. O, Cinayət Məcəlləsinin 274-cü (dövlətə xəyanət) maddəsi ilə əsasən təqsirləndirilir. Səbayel Rayon Məhkəməsi tərəfindən onun barəsində 4 aylıq həbs-qətimkan tədbiri seçilib.
Mətanət
