Müğənni Sibel Can və oğlu Emir Aksüt avtomobil qəzasına düşüb.
Hadisə 16:10 radələrində Beşiktaş istiqamətində baş verib.
Hadisəyə səbəb mikroavtobus olub. Belə ki, sürətlə gələn mikroavtobus qırmızı işıqda dayanan 5 maşına çırpılıb.
İnsident nəticəsində biri uşaq olmaqla, 3 yaralı var. Onlar dərhal xəstəxanaya çatdırılıblar.
Sibel Can və oğlu isə təhlükəsizlik kəmərindən istifadə etdikləri üçün xəsarət almayıblar.
"Qırmızı işıqda dayanmışdıq. Arxadan gələn mikroavtobus digər avtomobillərlə yanaşı bizə də çırpıldı. Şükür ki, təhlükəsizlik kəmərimizi taxmışdıq. Çox qorxduq", - deyə ifaçı bildirib.
Hadisə yerinə gələn polis işçiləri araşdırma aparırlar.
///Axşam.az
