“Rusiya iqtidarı bilir ki, Abbas Abbasovu Azərbayan müxalifətinə lider kimi sırımaq mümkün olmayacaq və bu səbəbdən Rüstəm İbrahimbəyovu qabağa verib. Onun ölümdən və həbsdən qorxması ilə bağlı açıqlaması mənə 2003-cü ildə Müsavat başqanı İsa Qəmbərin mövqeyini xatırladır. 2003-cü ildə İsa Qəmbər siyasi intihar etdiyi kimi, 2013-cü ildə onun yolunu Rüstəm İbrahimbəyov gedir”. Bu sözləri Editor.az-a açıqlamasında Vətəndaş və İnkişaf Partiyasının (VİP) sədri Əli Əliyev söyləyib.
Xatyırladaq ki, Milli Şuranın sədri Rüstəm İbrahimbəyov BBC-nin Rusiya xidmətinə müsahibə verib. Müxbirin “Axı sizin siyasi təcrübəniz yoxdur, siyasi mübarizədə iştirakınızı necə təsəvvür edirsiniz?” sualına cavabında Rüstəm İbrahimbəyov bildirib ki, bir neçə il əvvəl Azərbaycanda Ziyalılar Forumu yaradıb. Kinorejissor bildirib ki, siyasətlə məşğul olmaq həvəsində deyil. Ona görə də vahid namizəd olmaqla bağlı hələlik razılıq verməyib.Onun müsahibəsində daha bir diqqətçəkən məqam isə həbsdən qorxması ilə bağlı fikirləri olub: ““Mən normal insan kimi həm həbsdən, həm də öldürülməkdən qorxuram. REAL sədcri İlqar Məmmədov tənqidi fikirlərinə və prezidentlik iddiasına görə həbs edilib. Bu tale məni də gözləyə bilər”.
VİP sədri Əli Əliyev hesab edir ki, son müsahibəsi Rüstəm İbrahimbəyovun siyasi naşılığını ortaya qoyur və o özü də bilmədən böyük bir oyuna baş qoyub:“Rüstəm İbrahimbəyovun birdən-birə qatı müxalifətçiyə çevrilməsinin müxtəlif səbəbləri var. Birincisi Rüstəm İbrahimbəyov təkəbbürlü və hikkələ adamdır. O itirdiri əmlakını geri qaytarmaq üçün çabalayır və İlham Əliyevdən qisas almağa çalışır. İkincisi onun itirəcəyi bir şey qalmayıb və yaşının ahıl çağında öz şəxsi maraqlarına görə, Azərbaycanda qarşıdurma yaratmağa çalışır. Və nəhayət üçüncüsü və ən vacibi onun Rusiyanın siyasi sifarişlərini yerinə yetirməsi ilə bağlıdır. Rusiya başa düşür ki, indiki məqamda Abbas Abbasov və Söyün Sadıqov kimilərinin timsalında Azərbaycan müxalifətini ələ ala bilməyəcək. Bu məqsədlə də Rüstəm İbrahimbəyovdan istifadə edir və onun yaradıcı nüfuzundan yararlanmaq istəyir. Düşünürəm ki, bu seçkilər Rüstəm İbrahimbəyovu siyasi cəhətdən bitirəcək və o daha bu işlərlə məşğul olmayacaq. Əgər bir lider ölümdən və həbsdən, məhrumiyyətlərdən qorxursa, onun cəmiyyəti arxasınca aparmağa mənəvi haqqı yoxdur. Siyasi lider Nelson Mandela idi, Rüstəm İbrahimbəyov yox. Afrikalılar 94 yaşı olmasına baxmayaraq, hələ də Mandelanın xatirəsini əziz tutur və ona dəyər verirlər. Digər yandan Rüstəm İbrahimbəyova Azərbaycan xalqı və onun problemləri deyil, öz maddi maraqları vacibdir və bütün fəaliyyətini buna uyğunlaşdıraraq həyata keçirir. Şərab biznesi ilə məşğul olanda Azərbaycan xalqı onun yadına düşmürdü, hökumət rəsmiləri ilə bahalı ziyafətlərdə qədəh qaldırırdı. İndi bütün biznesi əlində çıxdığına görə, hakimiyyəti ittiham edir. Bütün bunlar bir daha demıəyə əsas verir ki, o səmimi siyasətçi deyil”.
