Bu sözləri APA-ya açıqlamasında dünən evə buraxılan Azərbaycanın xalq artisti Siyavuş Aslan deyib. Xəstəlikdən sonra ilk dəfə olaraq APA-ya danışan aktyor, Azərbaycan xalqına da salamlarını çatdırıb: “Azərbaycan xalqını salamlayıram. Onlara Allahdan hər zaman sağlam olmağı diləyirəm. Hər şeyin ən xeyirlisi sizin üçün olsun”. Səhhətində problemlər yaşayan aktyor diqqətdən kənarda qalmasından da gileylənib: “Əvvəllər yanıma gəlib-gedərdilər. İndi görürlər pisəm, gəlib-gedən də, maraqlanan da yoxdur. Bu, çox pis şeydir. Allah pis xəstəlikdən hamını uzaq eləsin. Arzu edirəm, ayağa qalxım...” Qeyd edək ki, Azərbaycanın xalq artisti Siyavuş Aslan avqustun 3-də ağır vəziyyətdə 4 saylı Şəhər Xəstəxanasına gətirilib, sonradan isə Klinik Tibbi Mərkəzin reanimasiya şöbəsinə yerləşdirilib. Müayinələr nəticəsində xalq artistinin işemik insult keçirdiyi məlum olub. Dünən isə aktyor evə buraxılıb.
