AZXEBER.COM-un məlumatına görə, işə başlayan gündən dəyişikliklər edən rektor bu dəfə universitetin tarixi mozaikasını sökmək qərarına gəlib. Üzərində Azərbaycanın tanınmış şair, dramaturq, yazıçılarının təsviri olan mozaik rektorun əmri ilə sökülüb. Belə ki, yeni rektor universitetin binasına təmir gedən zaman o mozaiklərin birdəfəlik yığışdırılmasını tələb edib.
Xatırladaq ki, bu il iyunun 23-də Nurlana Əliyeva BSU-ya rektor təyin olunub. Yeni rektor mətbuata açıqlamasında kadr dəyişikliklərinin olacağını bəyan edib.Bununla bağlı daxil olan informasiyada isə qeyd olunur ki, yeni rəhbərlik əslində ərizə yazaraq işdən çıxmaları üçün 20-yə yaxın müəllimə xəbərdarlıq etdikdən sonra onlar ərizə yazmalı olublar.Mənbənin söylədikləri: "Yəni, bütün bunlar könüllülük əsasında baş tutmayıb. Hətta hədələnən müəllimlər də olub. Onlara deyilib ki, əks halda barələrində cinayət işi belə açıla bilər".
