Slovakiya millisinin yeni baş məşqçisi bəlli olub

İDMAN
19:23 31.08.2022
274
UEFA Millətlər Liqasında Azərbaycan yığmasının rəqiblərindən olan Slovakiya millisinin yeni baş məşqçisi açıqlanıb.

AZXEBER.COM Slovakiya Futbol İttifaqının rəsmi saytına istinadən xəbər verir ki, komanda italiyalı Françesko Kaltsonaya tapşırılıb.

54 yaşlı mütəxəssisin müqaviləsinin müddəti 2023-cü ilin sonunadək nəzərdə tutulub. Kaltsona yığmanı 2024-cü Almaniyada keçiriləcək Avropa çempionatının final mərhələsinə apara bilsə, onun sözləşməsi avtomatik uzadılacaq.

İtaliyalı baş məşqçi bu postda Pavel Hapalı əvəzləyib.

Qeyd edək ki, Françesko Kaltsona İtaliyada müxtəlif klublarda köməkçi məşqçi funksiyasını yerinə yetirib. Slovakiya C Liqasının 3-cü qrupunda 6 xalla üçüncü pillədə qərarlaşıb. Komanda sentyabrın 22-də Azərbaycanı, 3 gün sonra isə Qazaxıstanı qəbul edəcək.
OXŞAR XƏBƏRLƏR