"Rus ordusunun iki raketi Ukraynanın Donetsk vilayətinin Kramatorsk dəmiryolu stansiyasına düşüb, nəticədə 30 nəfər ölüb, 100-dən çox adam yaralanıb".
AZXEBER.COM Ukrayna mediasına istinadən xəbər verir ki, bu barədə "Ukrzaliznitsa” ASC-nin İdarə Heyətinin sədri Aleksandr Kamışin məlumat verib.
O daha sonra qeyd edib: "Bu, dəmiryolunun sərnişin infrastrukturuna və Kramatorsk şəhərinin sakinlərinə məqsədyönlü zərbədir. Onlar stansiyanı raket ilə vurublar. Hadisə yerində işləyən polis və xilasedicilər onlarla ölü və yaralının olduğunu bildirir".
Raket zərbəsi zamanı minlərlə insan stansiyada olub, çünki Donbass sakinləri təhlükəsiz ərazilərə köçürülür.
