Meksikalı fenomen Luz Maria Barrera Aqaton tətilə getdiyi oteldə ölü tapılıb.
AZXEBER.COM xarici mediaya istinadən xəbər verir ki, 36 yaşlı qadının cansız meyiti otelin hovuzunun dibindən tapılıb.
Ölümündən həftələr əvvəl təhdid edildiyi üzə çıxan Aqatonun ölümü ilə bağlı araşdırma başladılıb.
Meksikanın Yukatan ştatında, Kanqun şəhərinin qərbində yerləşən Motul şəhərində ailəsi və dostları ilə birlikdə bir oteldə qalan Agaton axşamı yaxınları ilə hovuz kənarında keçirib. Gecə yarısından sonra tək qalan Agatondan uzun müddət xəbər alınmadığı üçün yaxınları səhər saatlarında axtarışa başlayıblar.
Agatonun cansız bədəni hovuzda tapılıb. Ailə dərhal təcili tibbi yardım xidmətinə məlumat verib, lakin gələn səhiyyə işçiləri onun artıq vəfat etdiyini təsdiqləyib.
Polis hadisə ilə bağlı araşdırmalara başlayıb. Hüquq-mühafizə orqanları Agatonun ölümünün qətl ola biləcəyi ehtimalını istisna etmir.
Oksana
