Şotlandiya, Uels və Şimali İrlandiyanın liderləri Böyük Britaniyanın tərkibindən çıxmaqla bağlı referendum keçirmək hüququnun verilməsini London hökumətindən tələb edəcəklər.
AZXEBER.COM "The Sunday Telegraph"a istinadən xəbər verir ki, onların görüşü sentyabrın 14-də Kardiffdə keçiriləcək.
"Tarixdə ilk dəfə Şotlandiya, Uels və Şimali İrlandiyaya müstəqillik tərəfdarı olan ilk nazirlər rəhbərlik edirlər. Mövcud status-kvonun davamlı olmadığının və London hökumətinin Birləşmiş Krallığın dağılmasından sonrakı gələcəyə hazırlaşmalı olduğunun bundan daha aydın sübutu yoxdur", - deyə Şotlandiya Milli Partiyasının lideri Con Svinni bildirib.
Liderlərin müzakirə etdikləri qarşılıqlı anlaşma memorandumu iqtisadiyyat, energetika, Avropa və beynəlxalq ictimaiyyətlə münasibətlər, eləcə də öz müqəddəratını təyinetmə hüququnu əhatə edəcək. Sənəddə həmçinin Şotlandiya və Uelsin yeni üzvlər kimi Aİ-nin tərkibinə daxil olması, Şimali İrlandiyanın isə İrlandiya Respublikasının bir hissəsi kimi Aİ-yə qoşulması qeyd olunacaq.
ABŞ Prezidenti Donald Tramp İrlandiya ilə Şimali İrlandiyanın mümkün birləşməsini fantastik perspektiv adlandırıb.
