Türkiyənin məşhur aktrisası, Azərbaycan tamaşaçılarının “Min bir gecə” serialında Bennu obrazıyla tanıdığı Ceyda Düvenci ərindən boşanıb. Bu barədə məlumatı cütlük birlikdə keçirdikləri mətbuat konfransında veriblər. 2008-ci ildə ailə quran və 1 qızları olan cütlük qızlarına görə bərabərliklərinin davam edəcəyini bildiriblər.“Həyatda bəzən yol ayırımı olur. Bunlar hər zaman bilinən, tanış olmayan səbəblər də ola bilər. Səbəblər insanlara və yaşanılan hadisələrə görə fərqli ola bilər. Qızımızın səhhəti üçün çətin günlərə dözməli olduq. Yorulduq və mədəni insanlar kimi razılaşaraq ayrıldıq. Ailə həyatı başa çatsa da qızımız üçün bərabərliyimiz davam edəcək” – deyə Ceyda Düvenci bildirib.
