Əfsanəvi “Formula-1” idmançısı Mixael Şumaxer “Sinqapur Qran-pri”sində qəza törədib. ANS PRESS-in məlumatına görə, M. Şumaxerin bolidi yarışın 29-cu dövrəsində divara dəyərək dayanıb və tüstülənib.Xoşbəxtlikdən Şumaxer hadisə nəticəsində xəsarət almayıb. Pilot sərbəst olaraq boliddən çıxaraq azarkeşlərini salamlayıb. “Sinqapur Qran-pri”si isə “Red Bull”un sürücüsü Sebastiyan Fettelin qələbəsilə yekunlaşıb.