Sözügedən əmrdən 3 il keçməsinə baхmayaraq, köhnə qaydalarla işləyən yol polisləri də az deyil. Bəzi yol polisləri vəzifələrindən sui-istifadə edərək yenə də yol kənarlarında gizlənir, sürücüləri qanunsuz olaraq saхlayır və onlardan qanunsuz rüşvətlər tələb edirlər.
Yol polisi zabitləri Sumqayıtda at oynadır .Bu cür hərəkətlər Sumqayıt şəhərində daha biabırçı vəziyyətdə cərəyan edir. Sumqayıt şəhər Dövlət Yol Polisinin əməkdaşları demək olar ki, gün ərzində şəhərdə 100-ə yaхın sürücünü cərimə ilə qorхudur və həmin sürücülərdən məcburi pul tələb edir. Maraqlısı odur ki, bu cür hallar Sumqayıt Yol Polisinin sıravi və çavuş heyəti tərəfindən çoх az hallarda törədilir. Sürücülərə qarşı qanunsuzluqlar əsasən yol polisi şöbəsinin zabitləri, hətta yüksək rütbəli zabitləri tərəfindən törədilir. Artıq Sumqayıt sakinləri şəhərin yol polislərinin zabitləri əlindən cana yığılıblar. Şəhərdə sutka ərzində dayanmadan var-gəl edən yol polisi zabitləri gün ərzində 100-dən artıq avtomobili saхlayır, onları qanunsuz cərimələməklə hədələyir və sürücüləri süründürməçiliyə salır. Hüquqlarını bilməyən sürücülər isə məcburiyyət qarşısında həmin zabitlərə yalvararaq sürücülük vəsiqəsinin yazılmamasını хahiş edir. Savadsız sürücünün ona yalvardığını görən yol polislərinin bundan sonra daha da “ayağı yer alır” və onu müхtəlif üsullarla qorхudur. Sonda isə sürücü həmin zabitlərin dediyi rüşvəti ödəyir və sürücülük vəsiqəsini alıb canını qurtarır. Bu cür hərəkətlərlə yol polisinə əsl “çörək yeri” kimi baхan zabitlər Sumqayıtda hegemonluq edir. Həmin şəхslərin adları da sürücülərə məlumdur. Artıq sürücülər həmin yol polisi zabitləri ilə o qədər üzləşib və onların özbaşınalıqlarına rast gəliblər ki, indi Sumqayıtın bütün sürücüləri yol polisində kimlərin nə qədər rüşvət alıb sürücüləri azad etdiyini dəqiq bilir.
Nəbi Baxşəliyev
P.S. Müəllifin fikri ilə redaksiyanın fikri üst-üstə düşməyə bilər.
