Sumqayıt şəhərinin Corat Qəsəbəsində arvad ərini öldürüb.
Sumqayıt Şəhər Prokurorluğundan AZXEBER.COM-a verilən məlumata görə, araşdırmalarla 34 yaşlı Əfsanə Məmmədovanın yaşadıqları evdə bıçaqla əri Ağahüseyn İmanova xəsarətlər yetirərək onu qəsdən öldürməsinə əsaslı şübhələr müəyyən edilib.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ə.Məmmədova hadisədən sonra könüllü təslim olub.
İbtidai istintaq davam etdirilir.
