Sumqayıt şəhərində bir qadının pulqabısı oğurlanıb.
Bu barədə AZXEBER.COM-a Daxili İşlər Nazirliyindən məlumat verilib.
Polisə müraciət edən qadın 9-cu mikrorayon ərazisində içərisində 7000 manatı, bank kartları və sənədləri olan pulqabısının oğurlandığını bildirib.
Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər narkotik cinayətinə görə məhkum olunmuş 35 yaşlı S.Atakişiyev müəyyən olunaraq saxlanılıb.
Araşdırma aparılır.
