Türkiyənin TV8 kanalında yayımlanan "Survivor All Star” yarışma proqramında iştirakçılar arasında yaşanan mübahisə gündəm olub.
Mübahisə könüllülər komandasında yarışan Hikmətlə Yunus Əmrə arasında yaşanıb.
Televiziyanın sahibi və proqramın aparıcısı Acun Ilcıalının RTÜK (Türkiyənin televiziyalara nəzarət edən qurumu-red.) qaydalarına görə televiziyada yayımlana bilməyəcəyini dediyi döyüşün görüntüləri rəqəmsal platformada yayımlanıb.
Görüntülərdə bir-birinin üzərinə yeriyən iştirakçıları komanda yoldaşlarının və çəkiliş qrupunun araya girərək sakitləşdirdiyi öz əksini tapıb.
Dava zamanı Hikmətin köynəyinin cırılması da diqqətlərdən qaçmayıb.
Hikmətin üzərinə gedən Yunus Əmrənin söyüş söyərək "Survivor yandıracağam” deməsi sosial şəbəkələrdə ən çox danışılan detallardan biri olub.
///Ölkə.Az
