Tanınmış müğənni Elnur Məmmədov yeni layihəsini təqdim edib.
AZXEBER.COM xəbər verir ki, müğənni duet ortağı Həyatla "Şuşanın dağları" mahnısını ifa edib.
Elnur layihəsi ilə bağlı konfrans keçirib. Klipdə Şuşanın heç yerdə yayımlanmayan kadrları da yayımlanıb.
Tədbirdə çıxış edənlər mahnının tarixçəsindən danışıblar. Mahnını XX əsrdə yaşamış Azərbaycanlı xanəndə Xan Şuşinski yazıb. Mahnı qrammofon valına yazılarkən bildirilmişdi ki, mahnıda "duman", "ölürəm" kimi kədərli sözlər çoxdu, xanəndə Şuşanın dumanlı dağ zirvələrindən birini göstərərək, buna cavab verdi ki, dağların zirvələri elə dumanlı olmalıdır, "ölürəm" kəlməsi isə həqiqi mənada ölmək demək deyil. Buna baxmayaraq, Şuşinskidən mahnının sözlərini dəyişdirmək tələb edib söylədilər ki, sovet Şuşanın dağları başı "dumanlı" ola bilməz, Xanəndə ilk sətiri "Şuşanın dağları deyil dumanlı"ya dəyişdirərək mahnını yazdı. Lakin indiki günümüzdə də bu mahnı öz ilkin variantda oxunur.
Müəllif Xan Şuşinski deyirdi ki, mahnıda Şuşa şəhərinin təbiəti gözəl qızla müqayisə edilir. Şuşanın dağlar başı dumanla örtüldüyü kimi, qadın da yaylıqla örtülüb. Dağların orta hissəsi lalə çiçəkləri ilə boldu, ona görə də qızın qırmızı köynəyinə bənzəyir, dağın alt hissəsi isə onun yaşıl ətəyi ilə müqayisə oluna bilər. Bu həm də Azərbaycan bayrağının təsviri idi.
Konfransda çıxış edən Elnur layihənin ərsəyə gəlməsində yardımçı olan hər kəsə təşəkkür edib. O klipdə Şuşanın nadir kadrlarından istifadə olunduğunu deyib.
Duet televiziya məkanında ilk dəfə ATV-də yayımlanan "Şou ATV" verilişində təqdim edilib.
Həmin klipi təqdim edirik:
