Naftalan Şəhər İcra Hakimiyyətinin, şəhər Heydər Əliyev Mərkəzinin və Karyera Mərkəzinin Gəncə-Daşkəsən regional nümayəndəliyinin Naftalan bölməsinin birgə təşkilatçılığı ilə 2 Fevral – Azərbaycan Gəncləri Gününün təsis edilməsinin 28 illiyi münasibətilə "Suverenliyin əldə edilməsində Azərbaycan gəncliyinin rolu” mövzusunda tədbir keçirilib.
Tədbirdə Naftalan ŞİHB-nin müavini və əməkdaşları, Karyera Mərkəzinin Gəncə-Daşkəsən regional nümayəndəliyinin Naftalan bölməsinin rəhbəri, Heydər Əliyev Mərkəzinin, tam orta məktəblərin direktorları, Naftalan şəhəri üzrə Gənclər və İdman sektorunun müdiri və gənclər iştirak ediblər.
Çıxış edənlər gəncləri 2 Fevral – Azərbaycan Gəncləri Günü münasibəti ilə təbrik ediblər. Ümummilli Lider Heydər Əliyevin yüksək qiymətləndirdiyi, ölkəmizdə uğurla həyata keçirilən gənclər siyasətindən söhbət açılıb. Möhtərəm Prezidentimiz cənab İlham Əliyevin müdrik siyasəti ilə əldə edilən Tarixi Zəfərin qazanılmasında Azərbaycan gəncliyinin qəhrəmanlığından, hər zaman gənclərə dəstək olan Azərbaycan Respublikasının Birinci vitse-prezidenti hörmətli Mehriban xanım Əliyevanın Azərbaycan gəncliyinin inkişafı və tərəqqisi istiqamətində həyata keçirdiyi müstəsna fəaliyyətindən bəhs edilib.
Tədbirdə fəal gənclərə, gənclərlə işləyən bir qrup şəxslərə Təşəkkürnamələr təqdim olunub.
