Rusiyalı tələbə qız ingilisləri heyrətə salıb. Buna səbəb onun maşını olub.
ANS PRESS-in məlumatına görə, 21 yaşlı Darya Radionova "Mercedes" markalı maşınını svarovski qaşlarla bəzəyib. Elit ali təhsil müəssisəsində təhsil alan Darya Londonda sensasiya yaradıb.
"Mercedes CLS 350" özü özlüyündə heç də ucuz deyil. Britaniyada bu avtomobilin qiyməti 40 min dollar civarındadır. Maşının bəzədilməsində milyonlarla qaşdan istifadə edilib.
Darya univermağa girmək üçün maşınını bir necə dəqiqiə saxlayıb. Elə həmin anda par-parıldayan avtomobilin ətrafı adamla dolub. Kimi maşının şəklini, kimi isə onun fonunda öz şəklini çəkib.
Jurnalistlərə açıqlama verən Darya unikal bir əşyasının olmasını arzuladığını deyib. "Maşını bəzəyən insanlar Rusiyadan gəliblər. Onlar iki ay ərzində sutkada 12 saat işləyiblər. Maşın sayəsində mən həmişə diqqət mərkəzindəyəm. Bəzən mənə elə gəlir ki, mən qəzaya səbəb ola bilərəm. Maşınımı satanda bütün pullarını xeyriyyəşilik fondlarına verəcəm".
Avtomobilin bəzədilməsinə onun qiymətinin yarısı qədər pul ödəyən gənc qız indi avtomobilində hər zaman ehtiyat svarovski qaşlar gəzdirir.
