"Bizim idmançılarımız da bütün yarışlarda ermənilərlə üzbəüz olurlar. Bu o demək deyil ki, onlar erməni ilə dostluq edirlər. Onlar öz mübarizələrini aparırlar və çalışırlar ki, bu mübarizədə qalib gəlsinlər. Biz sənətçilər də öz sənətimizlə, səsimizlə mübarizə aparırıq. Mənim silahım mənim səsimdir və mən hər yerdə səsimlə mübarizə edirəm.
Biz dünyanın harasında oluruqsa, Azərbaycanı mədəni bir millət kimi tanıtmalıyıq. Biz öz mədəniyyətimizi göstərməliyik, durub kiməsə kəllə atsaq, düzgün çıxmır axı... Mən harada oluramsa istər-istəməz Azərbaycanın adından çıxış edirəm. Azərbaycanımı tərənnüm edirəm, təbliğ edirəm.
Kiminləsə gedib bir yerdə iştirak ediriksə, yəni o məclisdə mənimlə birlikdə erməni də oxuyursa, bu o demək deyil ki, erməni ilə təmasdayam və yaxud da erməni ilə dostluq edirəm. Sadəcə bu mənim sənətimdir və mən orada ola bilərəm. Amma donlarla dostluq, qardaşlıq əsla mümkün deyil! Bu ola bilməz!"
Qeyd edək ki, müğənni Tacir Şahmalıoğlu sözügedən videoçarxın ötən ilin sonunda Moskvadakı restoranlardan birində çəkildiyini bildirib. Onun sözlərinə görə, ziyafətdə bir erməni müğənni Azərbaycan mahnısını ifadə edib və müəllifinin Sayat Nova olduğunu bildirib.
"Mən isə bunu cavabsız qoya bilməzdim. Durdum və onun Azərbaycan mahnısı olduğunu bəyan etdim və onu öz dilimizdə oxudum”, deyə Tacir Şahmalıoğlu qeyd edib.
Tacir Şahmalıoğlu iddia edir ki, bu hadisənin onun duet oxuduğu şəxsə heç bir aidiyyatı yoxdur: “Mənim mahnı oxuduğum adam erməni yox, kürddür. Adı Vledir. Əgər kiminsə şübhəsi varsa, mən onu Azərbaycana, ANS-ə dəvət edə bilərəm. Onda sübut edərəm ki, o, erməni deyil”.
