"Həyatımda ən çətin dönəmlərim valideynlərimi itirdiyim dönəmlər idi".
AZXEBER.COM xəbər verir ki, bu sözləri müğənni Talib Tale "Rəngarəng səhər" verilişində deyib.
Sənətçi ağır dönəmlərindən danışıb:
"2014- cü ildən bu yana 10 il keçib. Amma geriyə baxanda görürəm ki, ən çətin günlərim valideynlərimi itirdiyim dönəmlər idi. Valideyn itkisi çox ağırdır. Amma ondan sonra da çətin zamanlarım səhnəyə təzə gəldiyim zamanlarda oldu. Mahnılarım bilinirdi amma heç kim məni üzdən tanımırdı, biz isə konsert edirdik. O konsertdən çox böyük ziyanla çıxdım. Bir anlıq çox pis oldum ki, neçə illərimin əziyyəti getdi. Onda 4-5 gün heç bir şey etmədən sadəcə düşündüm ki, yekun belə olmalı idi? Hətta sənətdən getmək də istədim, dedim başqa işl məşqul olum. Amma vaz keçdim. O çətinliklərdən dərs çıxartdım və irəli getdim. Hər ruh düşkünlüyünün ardından böyük sıçrayışlar gəlir. O dönəmlərdə mənə xor baxanlardan inciməmişəm amma yaddaşıımda saxlamışam onları. Vaxt olub qohum toyunda oxumaq istəmişəm, yox, yox deyiblər. Vaxt keçdi, onlar məni ödənişlə toya çağırmaq istədilər".
Aysel
