"Taliban" hərəkatı Əfqanıstanın şimal-şərqində Tahar əyalətinin mərkəzi Talukan şəhərinin tutulduğunu elan edib.
AZXEBER.COM xəbər verir ki, bu barədə "taliblər”in mətbuat katibi Zabihulla Mücahid xəbər verib.
"Gecə yarı Tahar əyalətinin paytaxtı bütün obyektləri - qubernatorun iqamətgahı, polisin, kəşfiyyat mərkəzinin, həbsxananın və bütün dövlət idarələrinin qərargahı ilə tutulub", - "taliblər”in mətbuat katibi tivtterdəki hesabında bildirib.
Əfqanıstanın və əyalətin rəsmi hakimiyyəti hələ bu bəyanatı şərh etməyib.
Daha əvvəl bazar günü səhər Mücahid bildirib ki, "taliblər” Sari-Pul və Kunduz əyalətlərinin mərkəzlərini tutublar. Ancaq sonra Əfqanıstan ordusu xüsusi təyinatlı dəstəsinin Kunduz şəhərinin təmizlənilməsi üzrə əməliyyat keçirməsi barədə məlumat yayıb.
