"Taliban"ın Əfqanıstanda qurduğu hökumətin xarici işlər naziri Əmir Xan Mottaki Özbəkistan Baş nazirinin müavini, maliyyə və ticarət naziri Sardor Umurzakovla görüşüb.
AZXEBER.COM APA-ya istinadən xəbər verir ki, bu barədə "Bakhtar" agentliyi məlumat yayıb.
Görüş Əfqanıstan nümayəndə heyətinin Özbəkistana səfəri çərçivəsində baş tutub.
Tərəflər ikitərəfli əlaqələri, tranzit və kənd təsərrüfatını və Özbəkistan və Əfqanıstan arasında dəmiryolu xəttini müzakirə ediblər.
