Türkiyəli məşhur kino və serial aktyoru Mesut Akusta Ankaradakı evində beyin qanaması keçirib və xəstəxanaya yerləşdirilib.
AZXEBER.COM Türkiyə mediasına istinadən xəbər verir ki, bu barədə xəbəri aktyorun həyat yoldaşı verib.
O bildirib ki, sənətçi günorta saatlarında Çankayadakı evində beyin qanaması keçirib. Həyat yoldaşı tərəfindən ünvana çağırılan təcili tibbi yardım əməkdaşları əvvəlcə sənətçiyə ilkin tibbi yardım göstərsələr də, daha sonra onu təcili yardımla xəstəxanaya aparıblar.
Əməliyyata alınan aktyor təxminən 3 saat sonra reanimasiya otağına yerləşdirilib. Həkimlər sənətçinin vəziyyətinin stabil olduğunu bildiriblər.
Qeyd edək ki, məşhur aktyor "Ezel", "Kurtlar Vadisi", "7-ci koğuşdakı mucize" kimi bir çox tanınmış film və seriallarda rol alıb.
Mikayıl Mirzəzadə
