Ukraynanın Lvov şəhərində spirtli içkilərin satışına qadağa qoyulduğundan, tanınmış bloqqer sevgilisi ilə mağazadan içki oğurlayıb.
AZXEBER.COM Ukrayna mediasına istinadən xəbər verir ki, blogger hətta bununla bağlı video da çəkib və "instagram"da paylaşıb.
Video yayılandan sonra cütlük polis tərəfindən saxlanılıb.
Hüquq-mühafizə orqanlarının əməkdaşları cinayəti törədən 20 yaşlı Kiyev sakini və 19 yaşlı Dnepr sakinini müəyyən edə biliblər:
"Bu gün, martın 17-də həmin şəxslər saxlanılaraq Lvovdakı ərazi polis idarələrindən birinə aparılıb".
Oğurluq edən şəxs "ttiisshhiinnaa" ləqəbi ilə tanınmış blogger Mariya Semenovadır. İnstaqram hekayələrində o, mağazada soyuducusunun qapısından lenti necə çıxarıb içki alacağını göstərib.
Blogger həmçinin sosial şəbəkədə onun hərəkətindən qəzəblənən abunəçilərlə, hadisə ilə bağlı fikirlərini və video mesajlarını da paylaşıb.
O, bunun soyğunçuluq olduğunu inkar edib və spirtli içki satılsa, bunun pulunu ödəyəcəyini deyərək özünə haqq qazandırıb".
