"Telegram"ın yaradıcısı Pavel Durovun ruslara məlumat verdiyi iddia edilir.
AZXEBER.COM xarici mediaya istinadən xəbər verir ki, dünyanın ən məşhur mesajlaşma proqramlarından biri olan "Telegram” həm rusların, həm də ukraynalıların gündəlik həyatının bir parçasıdır. Proqramın yaradıcısı Pavel Durov 2014-cü ildə aktivlərini sataraq Rusiyanı tərk edib.
Hazırda isə o, ukraynalıların məlumatlarını ruslarla bölüşməkdə ittiham olunur.
Ukrayna xalqı müharibə ilə bağlı gündəlik məlumatı "Telegram” qruplarından alır. Ruslar isə daha neytral hesab etdikləri məlumatı əldə etmək üçün "Telegram”dan istifadə edirlər.
Rusiyalı jurnalist İlya Varlamovun "Telegram” kanalının abunəçilərinin sayı müharibədən sonra 1,3 milyon nəfərə çatıb. Fevralın 24-dən Rusiyada "Telegram” istifadəçilərinin sayı 48 faiz artıb.
Proqramı rusiyalı milyarder Pavel Durov icad edib.
O, hazırda Dubayda yaşayır. Durov haqqında bir çox iddialar irəli sürülüb ki, müharibə zamanı Ukrayna "Telegram” istifadəçilərinin məlumatlarını ruslarla paylaşıb. Durov həm də ölkənin ən böyük sosial şəbəkələrindən biri olan "Vkontakte”nin yaradıcılarından biridir.
Durov bu iddiaları qəti şəkildə təkzib edib:
"Bizim ana soyumuz Kiyevdəndir. Anamın qızlıq soyadı Ukraynaya aiddir (İvanenko), qohumlarımızın çoxu Ukraynada yaşayır. Yayılan məlumatlar doğru deyil”.
Ayşən
