Məlum olduğu kimi, təyyarələrdə telefondan istifadəyə ciddi qadağalar var. Lakin bu qadağa tezliklə aradan qaldırıla bilər.
AZXEBER.COM xarici mediaya istinadən xəbər verir ki, 5G əhatə dairəsi təyyarədə "pico-cell” adlı sistemin quraşdırılması ilə mümkün olacaq. Bu şəbəkə stansiyası vasitəsilə telefon zəngləri, mətn mesajları və məlumat bağlantısı peyk şəbəkəsi vasitəsilə yerdəki mobil şəbəkəyə göndərilə bilər.
Telefonların təyyarədə məhdudlaşdırılmasına səbəb cib telefonları kimi elektromaqnit dalğaları ilə əlaqə saxlayan elektron cihazların istifadəsinin təyyarələrdə naviqasiya və rabitə sistemlərinə birbaşa təsir göstərməsidir. Bu uzun müddət davam edən qayda tezliklə keçmişdə qala bilər. Avropa Komissiyası mobil rabitə qanunvericiliyini ən müasir standartlara uyğunlaşdırır.
Nəticədə, 5G əhatə dairəsi təyyarələrdə də mövcud ola bilər. Bu qərarla Avropa İttifaqı daxilindəki aviaşirkətlər öz təyyarələrində ən son 5G texnologiyasını quraşdıracaqlar ki, bu da sərnişinlərə öz smartfonlarından və digər qoşulmuş cihazlardan yerdə olduğu kimi istifadə etməyə imkan verəcək. Beləliklə, sərnişinlər təyyarəyə minərkən telefonlarını söndürmək məcburiyyətində qalmayacaqlar. 5G əhatə dairəsi təyyarədə "pico-cell” adlı sistemin quraşdırılması ilə mümkün olacaq. Bu şəbəkə stansiyası vasitəsilə telefon zəngləri, mətn mesajları və məlumat bağlantısı peyk şəbəkəsi vasitəsilə yerdəki mobil şəbəkəyə göndərilə bilər. Komissiya həmçinin avtomobillərdə, avtobuslarda və digər nəqliyyat vasitələrində WiFi-də 5 GHz tezliklərin açılmasını istəyir. Bu kontekstdə Aİ Üzv Dövlətləri 30 İyun 2023-cü ilə qədər 5 GHz diapazonlarını avtomobil nəqliyyatı üçün əlçatan etməlidir. Avropa Birliyində başlayan bu yeni addım 5G texnologiyasının inkişafı ilə bütün dünyaya yayılacaq.
Mikayıl
