Prezident Rəcəb Tayyib Ərdoğanın təşəbbüsü ilə 2018-ci il iyunun 25-də qurulan yerli avtomobil markası TOGG bu gün 7 yaşını tamamlayır.
AZXEBER.COM Türkiyə mediasına istinadən xəbər verir ki, şirkət, ilk modeli olan T10X-dən sonra ikinci avtomobili – T10F modelini bu yay satışa çıxarmağı planlaşdırır.
T10F modeli daha idman üslublu və elektriklidir. Avtomobil 600 kilometrə qədər məsafə qət edə bilir və süni intellekt sistemləri ilə təchiz olunub. İlk dəfə yanvarda Las Veqasda keçirilən CES sərgisində təqdim olunub.
TOGG-un istehsal mərkəzi Bursa vilayətinin Gemlik bölgəsində yerləşir. Burada avtomobillərin batareyaları da yerli ortaqlıqla istehsal olunur. Avtomobilin yerlilik payı 75 faizədək çatıb.
TOGG-un Trugo adlı şarj şəbəkəsi isə artıq Türkiyənin 81 vilayətində fəaliyyət göstərir. Ölkə üzrə 1000-dən çox sürətli şarj cihazı quraşdırılıb.
TOGG, eyni zamanda Avropa bazarına çıxmağa hazırlaşır. T10X modelinin bu ilin sonunda Avropada satışa çıxarılması planlaşdırılır. 2026-cı ildən isə T10F modeli də ixrac olunacaq.
Şirkət, satışlarda da uğur qazanır. 2024-cü ilin may ayında 3.678 T10X satılıb və TOGG elektrikli avtomobil bazarında lider olub. İlin əvvəlindən bəri 14 minə yaxın avtomobil satılıb və ümumi satış sayı 65 minə çatıb.
Oksana
