Türkiyəli "tiktok"çu Kənan Kekeç canlı yayımda dediyi sözlərə görə tənqid atəşinə tutulub.
AZXEBER.COM xəbər verir ki, tanınmış prodüser onun siyasi məsələlərə qarışdığını və canlı yayımda Azərbaycan haqda artıq fikirlər səsləndirdiyini deyib.
Tolik AZXEBER.COM-a açıqlamasında bildirib ki, Kənan Kekeç həmin ifadələrə görə üzrxahlıq edib.
""Mən bu gün səhər türkiyəli "tiktok"çu Kənan Kekeçin bir açıqlamasını gördüm və xoşuma gəlmədi. Çünki Kekeç lazım olmayan sözlər istifadə etmişdi. Mən də onun videosunu lazım olan bir-iki nəfərə, ona hədiyyə atanlara göndərdim. Sonra onunla əlaqə saxlandı və onun səhvi özünə bildirildi. O da çıxıb izahını verdi.
Tolik deyib ki, "Tiktok"da üzr istəmək adi hala çevrilib: "Bilirsiniz, biz Türkiyə ilə qardaş ölkəyik. Amma bu, əyləncəli platformadır. Burada siyasi məqamlara toxunmaq nə qədər düzgündür ki? O, Azərbaycan sıralamasında ikinci yerdəydi, sıralamadan özünü çıxardı. Nəninki Kekeç, heç blogerlərin də, mənim də, heç kimin bunu eləməyə ixtiyarı yoxdur. Özünüz də bilirsiniz ki, oradan bir balaca sözü nə qədər şişirdirlər. Ona görə də, mən öz etirazımı bir vətəndaş kimi bildirdim. O da fikrini bildirdi ki, bunu səhvən deyib, üzrxahlıq edib. Üzr istəmək də "TikTok”da artıq davamlı olub, iki gündən bir üzr istəyirlər".
Tolik "tiktok"dan aktiv istifadə etmədiyini deyib: "Düzünü desəm, mən "TikTok”a çoxdandır girmirəm. Yəni, orada canlı yayımlar açmıram. Amma "TikTok” səhifəm "mavi tık” olduğu üçün məcburam ki, səhifəni aktual saxlayım. Bağlamaq istədim, dedilər ki, 30 gün sonra açmasan, səhifədən həmin "mavi tık” itəcək. Bu səbəbdən də yalnız paylaşımlar edirəm".
Aydın Nuri
