"Topçular" "Barsa"nı 5 dəqiqəyə bitirdi

İDMAN
22:48 16.02.2011
1766


Gecənin ən qollu görüşü Romada oynanılıb. “Şaxtyor”la qarşılaşmada “Roma” favorit sayılsa da, məğlubiyyətdən qaça bilməyib. Hərçənd, hesabı meydan sahibləri açsa da, italiyalıların qol sevinci cəmi 1 dəqiqə çəkib. 28-ci dəqiqədə Perrotanın qoluna tezliklə Jadson cavab verib. “Şaxtyor” fasiləyədək Kosta və Adrianunun sayəsində daha 2 qol vuraraq, rəqibini çətin vəziyyətə salıb. İkinci 45 dəqiqədə isə “Roma” Menezlə fərqi azaltsa da, Donetsk təmsilçisi sensasion qələbə qazanıb.

Londonda isə “Arsenal” “Barselona”nı qonaq edib. Katalonlar 26-cı dəqiqədə Vilyanın qolu ilə meydan sahiblərini şoka salıb. Amma “Barsa” qələbəni qoruya bilməyib. İkinci yarıda daha yaxşı oyun nümayiş etdirən “topçular” 78-ci dəqiqədə Van Persinin dəqiq zərbəsindən sonra tarazlığı bərpa ediblər. 5 dəqiqə sonra isə əvəzlənmədəm meydana çıxan rusiyalı Andrey Arşavin katalonları cəzalandırıb.

ÇL-in 1/16 final mərhələsinin digər 4 oyunu gələn həftə baş tutacaq.


16 fevral

“Roma” (İtaliya) – “Şaxtyor” (Ukrayna) - 2:3
Perrota,28; Menez, 61 - Jadson, 29; Kosta, 36; Adrianu, 41

“Arsenal” (İngiltərə) – “Barselona” (İspaniya) - 2:1
Van Persi, 78; Arşavin, 83 - Vilya, 26

 

OXŞAR XƏBƏRLƏR