"Topaz" növbəti mövsümdən etibarən futbol üzrə Azərbaycan Premyer Liqasının sponsoru olmayacaq.
Bu barədə Peşəkar Futbol Liqasının prezidenti Ramin Musayev məlumat verib.
O bildirib ki, "Topaz" rəhbərlik etdiyi qurumla əməkdaşlığı dayandırıb: "Ayın 16-a kimi sponsorluqla bağlı yeni qərar qəbul olunacaq. "Topaz" sponsorluq etsəydi, həmin pulla klubları sevindirərdik".
Qeyd edək ki, Topaz 2012-ci ildən Azərbaycan Premyer Liqasının sponsoru idi (Report).
