"Hər yerdən çıxmışam. Heç yerə getmirəm. Səsimin batmasına səbəb isə beynimdəki şiş oldu. Sol tərəfimin səs sinirləri tamamilə məhv olunub. Şua terapiya görünür səs tellərimi bu hala salıb".
Bu sözləri Toppuş bacı ləqəbi ilə şou-biznesdə məşhurlaşan Əməkdar artist Tünzalə Əliyeva "Bizimləsən" ictimai-sosial verilişinin canlı efirinə "Skype" vasitəsilə qoşularkən deyib.
Aktrisa bildirib ki, onkoloqların sözlərinə görə, bundan sonra onun səsi bir daha açılmayacaq:
"Bir çox həkimlər mənə baxdı, sonra onkoloqlarda baxdı və dedilər ki, səs sinirlərin tamamilə məhv olub. Bir aktrisa üşün səsinin olmamasının nə olduğunu yalnız mən deyə bilərəm. Buna da şükür".
Tünzalə bildirib ki, "ağıllı dərman" adlı preparatın növbəti dozalarını almaq üçün 35 min manatdan 25800 manatı artıq toplanıb:
"15800 manat pul yığmışdım. 10000 manat isə dünən göndərdilər. Ümumi məbləğ 25800 manat oldu. 10000 manat çatışmır. Təbii ki, əlavə dərmanlarda vururam. Buna da min şükür".
///bizim.media
