Bu gün Bakı Ağır Cinayətlər Məhkəməsində toyunun xərcini ödəmək üçün oğurluq edən Niyaz Fərəməzov və tanışları Namiq Pirverdiyevlə Semran İlyasovun cinayət işi üzrə məhkəmə prosesi başa çatıb.
AZXEBER.COM-un "Qafqazinfo”ya verdiyi xəbərə görə, hakim Əlisultan Osmanovun sədrliyi ilə keçirilən prosesdə hökm oxunub.
Məhkəmə kollegiyasını hökmü ilə N. Fərəməzov 8 il, N.Pirverdiyev və S.İlyasov hər biri 7 il müddətinə azadlıqdan məhrum edilib.
Qeyd edək ki, 1992-ci il təvəllüdlü Niyaz Fərəməzov özünə toy etmək üçün götürdüyü borcu qaytara bilmədiyinə görə oğurluğa əl atıb. Dostları da ona bu işdə tək qoymayıb və birlikdə qohumu Fərqanə İbrahimovanın evindən qızıl oğurlayıblar.
