"Bir konservatoriya məzunu toyxana görməyibsə, onun öyrəndikləri elə yerindəcə qalacaq. Toyxana görməyən müğənni, müğənni deyil".
AZXEBER.COM xəbər verir ki, bu sözləri müğənni Almaz Saraylı "Gün ortası" verilişində danışıb.
O, "Toyxana məktəbdir" fikrinə sonuna qədər qatıldığını bildirib:
"Toyxana məktəbdir fikri ilə tam razıyam. Ən yaxşı oxuyan beş konservatoriya bitirsə də, o toyxana görməyibsə, o sənət elə yerindəcə qalacaq. O yaxşı müğənni olmaq üçün toyxana görməlidir. Bu o demək deyil ki, biz toyxanada dərs keçirik. Yox! Bu günə qədər də mən toyxanalardayam və onun məktəbini keçmişəm. Mən efirə çıxmasam da, boş günüm yoxdur, hər gün toyum var. Ona görə də hər kəs danışanda yaşına uyğun danışsın. Bu qədər dəyərli sənətkarlarımız var, bu sözü deyiblər ki, bəli, toyxana məktəbdir. Toyxana görməyən müğənni, müğənni deyil. Toyxana məktəbdir, konservatoriyadır, hər şeydir, bəli!".
Aysel
