"İranla danışacağıq və bundan sonra nə olacağını görəcəyik. İran Avropa ilə deyil, bizimlə danışmaq istəyir".
AZXEBER.COM Türkiyə mediasına istinadən xəbər verir ki, bu barədə ABŞ prezidenti Donald Tramp jurnalistlərin suallarını cavablandırarkən deyib.
O bildirib ki, İsrailin bombalama əməliyyatlarında yerin altına enmə qabiliyyəti məhduddur. Tramp əlavə edib: "Nə olacağını görəcəyik. Bəlkə də müdaxiləyə ehtiyac qalmaz”.
Tramp, İranın "Əgər ABŞ danışıqlarda ciddidirsə, niyə İsraildən hava hücumlarını dayandırmasını istəmir?” sualına cavab olaraq deyib: "Hazırda belə bir tələb etmək çox çətindir”.
İsrailin döyüşlərdə "qalib gəldiyini” iddia edən Tramp, danışıqlarla bağlı isə belə deyib: "Hazırıq, istəyirik və bacarırıq. İranla danışdıq və nə olacağını görəcəyik. Sadəcə insanların özlərini toparlayıb-toparlamayacağını izləmək vaxtıdır”.
Tramp eyni zamanda Avropalıların İranla danışıqlarını faydasız olaraq qiymətləndirib və "İran bizimlə danışmaq istəyir” deyərək, Tehran rəhbərliyinə bu məsələ ilə bağlı maksimum iki həftə vaxt verdiyini bir daha təkrarlayıb.
Oksana
