Rusiya-Ukrayna münaqişəsi Üçüncü dünya müharibəsinə səbəb ola bilər.
Bu barədə ABŞ Prezidenti Donald Tramp "OutKick” internet portalına müsahibəsində deyib.
Bununla belə, o, vəziyyətin hazırda qismən nəzarətdə olduğunu qeyd edib:
"Belə şeylər Üçüncü dünya müharibəsinə səbəb ola bilər. Düşünürəm ki, vəziyyət müəyyən qədər nəzarətdədir. Mənim Rusiya Prezidenti Vladimir Putin və ukraynalı həmkarım Volodimir Zelenski ilə yaxşı münasibətim var”, - o söyləyib.
Dövlət başçısı, müharibəni dayandıracağı halda Nobel mükafatına layiq olacağına inanması barədə suala dəqiq cavab verməyib.
Qeyd edək ki, martın 18-də ABŞ və Rusiya liderləri arasında telefon danışığı olub. Kremlin mövqeyinə görə, müharibənin bitməsi üçün əsas şərt ABŞ-nin Ukraynaya hərbi yardımı və kəşfiyyat məlumatlarının ötürülməsini dayandırmaqdır.
Xatırladaq ki, Rusiya- Ukrayna müharibəsi 2022-ci il fevralın 24-də başlayıb.
//report
