ABŞ-nin sabiq prezidenti və yenidən prezidentliyə namizəd Donald Tramp maraqlı açıqlama verib.
AZXEBER.COM Qərb mediasına istinadən xəbər verir ki, Tramp seçki günü daxili düşmənlərlə mübarizə aparmaq üçün ordunu dəstəkləməyə çağırıb.
ABŞ Prezidenti Co Baydenin seçkinin dinc keçməyəcəyi ilə bağlı sözlərini xatırladan Tramp Baydenin nə baş verdiyini anlamadığını və gününün çox hissəsini yatmaqla keçirdiyini bildirib.
Tramp 2021-ci il yanvarın 6-da Konqres basqını kimi bir hadisənin seçki günü bir daha baş verməyəcəyini və ya ən azından belə bir hadisənin öz tərəfdarlarının təşəbbüskarı olmayacağını bəyan edib.
"Məncə, ən böyük problem daxildəki düşmənlərdir. Bizim çox pis düşmənlərimiz var", - deyə Tramp əlavə edib.
Tramp səsvermə günü bu insanlara qarşı Milli Qvardiya və ya ordudan dəstək alınmalı olduğunu müdafiə edib.
Tramp bildirib ki, onun dövründə Şimali Koreya ilə münasibətlər yaxşılaşıb, lakin sonradan yenidən stabilləşib.
O, Kimin (Şimali Koreya prezidenti) təhdidinə "Mənim də qırmızı düyməm var və o düymə işləyir” deyərək cavab verib.
Mikayıl
