Son vaxtlar hər birimiz meteoroloji hava hadisələrinin dəyişməsini müşahidə edirik.
AZXEBER.COM Türkiyə mediasına istinadən xəbər verir ki, Türkiyədə nadir görülən hadisələr bir-birinin ardınca yaşanmağa başlayıb.
Burada elm adamları Türkiyənin də daxil olduğu coğrafiya ilə bağlı təşviş doğuran yeni araşdırma dərc ediblər.
Almaniyada yerləşən Maks Plank İnstitutunun "Geophysics" elmi jurnalında dərc edilən araşdırması Türkiyə üçün gözlənilən təhlükəni bir daha ortaya qoyub.
Araşdırmalara görə, Şərqi Aralıq dənizi və Yaxın Şərq yaxın gələcəkdə görünməmiş ekstremal hava hadisələri ilə sarsılacaq. Bölgə "iqlim dəyişikliyi mərkəzi" olaraq təyin olunub və bölgədə temperatur artım sürətinin qlobal orta göstəricidən təxminən iki dəfə yüksək olduğu vurğulanıb.
Qeyd edilib ki, Türkiyə də daxil olmaqla, region ölkələrində qarşıdakı illərdə isti dalğaları, quraqlıq, toz fırtınaları və həddindən artıq yağış kimi böhranlar yaşanacaq.
Bölgədə bu əsrin sonuna qədər temperaturun 5 dərəcəyə qədər artacağı, xüsusilə yay aylarında görünməmiş yandırıcı istilərin yaşanacağı təxmin edilir.
Oksana
