Türkiyənin Hakkari vilayətində baş verən partlayışlarda şəhid olanların sayı 11 nəfər çatıb. APA-nın məlumatına görə, hərbi maşın karvanının minaya düşməsi və partlayışdan sonra pusquda dayanan PKK terrorçuları tərəfindən atəşə tutulması nəticəsində 7 əsgər şəhid olmuş, 11 hərbçi yaralanıb. Yaralı əsgərlər vertolyotlarla Hakkari hərbi hospitalına çatdırılıb. Həkimlərin müdaxiləsinə rəğmən 3 əsgərin həyatını xilas etmək mümkün olmayıb və onlar xəstəxanada dünyalarını dəyişiblər. Bir qədər əvvəl hərbi maşın konvoyuna qarşı terror aktı həyata keçirilən ərazidə daha bir partlayış baş verib. Partlayış nəticəsində hərbçilərə əməliyyatda dəstək verən yerli müdafiə qüvvələrinin bir üzvü ölüb, digəri yaralanıb. Hazırda bölgədə PKK terrorçularının zərərsizləşdirilməsi məqsədilə əməliyyat davam edir.
